Pormal ng gipahigayon ang 2-in-1 groundbreaking ceremony sa lungsod sa Alabel ,Probensya sa Sarangani ang unang 2-storey building alang sa PNP Criminal Investigation Group (CIDG) Sarangani diin adunay kantidad mobalor sa Dyes Melyones (P10-Million)ka pesos. Ang maong ground breaking ceremony personal nga gitambungan nilang Sarangani Representative Hon. Steve C. Solon ug CIDG 12 OIC RD Lt. Col. Rogelio Pineda, representante ni CIDG RD Col. Marvin Marcos.
Segon pa ni CIDG Sarangani Provincial Head, Lt. Col. Ernor Melgarejo ang ilang 2-storey building ang pinakaunang CIDG field offices sa tibuok Pilipinas.
Sa susamang higayon ang progressive 2-storey Sarangani Bureau of Fire Protection (BFP) building ang adunay inisyal nga pondo nga nagkantidad ug Singko Punto Nuebe Milyones pesos(P5.9-Million), diin ang Seremonya gitambungan nilang BFP RD Chief Superintendent Alvin Valdez ug BFP Sarangani Provincial Fire Marshal Superintendent Reginald Legaste.
Sa pamahayag ni Lt.Col Pineda ug Chief Superintendent Valdez “Dream come true!”, ang pagtukod sa maong gambalay diin gipasalamatan si Sarangani Congressman Solon sa ayuda nga gihatag niini.
Samtang si Sarangani Congressional Peace Adviser and Office of the President-OPAPRU consultant Retired Army Major General Boogie De Leon nitambong usab sa maong Ground Breaking Ceremony uban ni Cong. Solon.
Kining duha ka Building developments ang proyekto ni Congressman Steve Chiongbian Solon ug President BongBong Marcos uban ni DPWH Sarangani District Engr. Rey Francisco. Samtang anaa usab ang presensya ni Alabel Mayor Vic Paul Salarda.
(Source: Rey Gonzales Ombaña; photo courtesy of Congressman Steve Chiongbian Solon FB Page)
