Cotabato City — Patay ang duha ka suspek sa pagpamomba sa Yellow Bus Line sa Tacurong City human nga misukol sa otoridad sa bahin sa Purok Pinnen, Brgy. Rosary Heights, Cotabato City, buntag niadtong Nobyembre 27, 2022.
Giila ang magtiayong suspek nga silang alyas “Haron” ug alyas “Aiman” miyembro sa Dawlah Islamiya terror group ug susamang residente sa maong lugar.
Subay sa report, samtang paabot palang ang tropa sa kapulisan, na magserve unta ug arrest warrant batok sa mga nasampit, gilayong gipabuthan sa magtiayon ang kapulisan hinungdan sa binayluay ug bala nga miresulta sa kamatayon sa magtiayong suspek.
Subay sa report sa PNP, gawas sa pagpamomba sa mga suspek sa YBL sa Tacurong City niadtong November 6, lambigit usab ang mga ansampit sa pagpamomba sa South Seas Mall niadtong tuig 2018 kung asa usa ka menor de edad ang patay ug pito ang samdan.
Sa karon, mas gipahugtan pa sa Police Regional Office 12 ang lakang sa paggukod sa mga grupo ug mga indibidwal nga gahimo ug kasamok ug pagpanabotahe sa tibuok Rehiyon 12.
(Source: PCADG 12)