General Santos City – Giklaro ni Atty. Moqtahar Manulon, Regional Director sa Philippine Statistics Authority (PSA) 12 nga ang pagtaas sa employment rate sa Rehiyon 12 ang nagpasabot nga nag-nindot ang dagan sa ekonomiya.
Apan dili matud pa kini nagpasabot nga nag-nindot ang panginabuhi sa katawhan gumikan magdepende gihapon kini sa lifestyle.
Saysay niya nga kung mutaas ang ekonomiya, dili nila mabutyag nga adunay paglambo sa kinabuhi sa katawhan tungod dili pasabot nga nitaas usab ang ilahang binulang sweldo.
Kahibaluan nga subay sa datus sa PSA 12, anaa sa 3.298 million ang labor force participation rate kon 67.7% sa 2021 kung asa 79. 8% sa maong datus mga lalaki ug 54. 8% mga babae.
Kung itandi sa 3.212 million o 62.9% niadtong 2020 ug 63.9% kon 3.135 milion niadtong 2019. Sa maong datus, 94.7% ang employment rate sa Rehiyon 12 niadtong tuig 2021, 90.9% ang employment rate sa 2020, ug 95.6% ang employment rate niadtong 2019.
(Source: PSA 12)