GENERAL SANTOS CITY – Nagpasidaan si Gensan Mayor Lorelie Pacquiao sa mga dili beripikado nga taho nga giagi sa social media. Kini human sa sayop nga post sa usa ka nitizen nga gitawag sa Mayor ug fake news. Kalabutan kini sa nakaplagang karton sa Lagao public market kagahapong adlawa. Matud sa Mayor nga nakamugna ug kahadlok ang gi post sa nitizen dungan sa pasalig nga may kabutangan ang mihimo niini.
Una ng gibutyag ni Police Major Ivan Abastillas, hepe sa Lagao Police station nga girespondihan sa taga Explossive Ordnance Dispossal team ang gibilin nga karton.
Gani gihimo sa EOD ang proseso human makita nga walay linya sa wire nga nagkonekta sa karton. Apan gihimo gihapon sa taga EOD nga makumpleto ang ilang trabaho pinaagi sa pagbutang ug dis ruptor aron pabuthon ang karton ug dihang nabungkag na ang kadudahang bagahe nahabwa ang lamaw ug mibanaw sa dalan. Una ng gipasalamatan sa kapulisan ang pagpakabana sa mga vendor, mga mamalitay nga mipadangat ug taho sa kapulisan human ilang nakita ang kadudahang karton. (Jun Abelo)