Alabel, Sarangani – Gi-koronahan ang bag-ong Pearl of Sarangani 2022 human ang halos ang tulo ka tuig nga wala gipahigayon nga indigay tungod sa pandemya.
Si Ejay Vergara, 20, nga pambato sa munisipyo sa Glan Sarangani ang gipildi ang 12 ka mga kandidata atol sa coronation night kagabii, Nobyembre 27, sa capitol grounds sa Sarangani capitol.
Apil sa premyo niini ang ₱ 30-mil ka pesos nga cash ug gift packs gikan sa mga sponsors.
Samtang nakuha usab sa taga Glan, pinaagi ni Shamma Praise Yama, 24, ang korona sa Pearl of Sarangani -Tourism 2022, samtang si Rose Jennylou Jabuen, 21, nga taga Kiamba ang nahimong Pearl of Sarangani-Munato 2022.
Tuig 2019 pa ang ulaheng Pearl of Sarangani pageant kon diin gihuptan ni Francesca Lim ang korona.
Atol sa maong kompetisyon, highlights usab ang mga Kapuso artists isip mga hurado sa maong indigay nga silang Max Collins, ang beauty queen nga si Sophia Seronon, ug ang actor nga si Paul Salas nga maoy mi-serenaded sa mga kandidata ug sa mga fans.
Sa nahimong pamahayag ni Provincial Tourism Council Jobelle Pacquiao, nga ang bag-ong gikoronahan nga mga Pearls of Sarangani ang maoy mag-representa usab sa Sarangani isip kaanyag sa probinsya.
Alang usab kang Sarangani Governor Ruel Pacquiao, nga ang mga kandidata nga nag-representa sa matag munisipyo ang nagpakita lamang sa probinsya nga naglangkob ang kaanyag ug talento.
(Source: Sarangani Provincial Information Office)