South Cotabato – Usa ka mahinungdanong kalihokan sa gawas sa campus ang gihimo sa mga kanhi Rebelde gikan sa 9th batch sa Deracalization Program sa South Cotabato Police Provincial Office.
Ubos sa pagpangulo ni PCOL SAMUEL T CADUNGON, Provincial Director, ang kanhi mga Rebelde nakahigayon nga makig-estorya ug makig-uban sa mga pulis.
Pinaagi ni PLTCOL EMERSON D. POLICARPIO, Hepe sa PCADU, iyang gipadangat ang mensahe ni Provincial Director, PCOL SAMUEL T CADUNGON ngadto sa mga nagbag-o na sa kinabuhi, isip pasalamat sa ilang kooperasyon ug suporta sa programa.
Ang mensahe sa maayong Provincial Director nagpakita og pagpasalamat sa matag lakang sa mga kanhi Rebelde padulong sa positibong kausaban.
Puno kini sa pagpasalamat ug tinguha nga magpadayon ang maayong relasyon tali sa mga FR ug kapulisan, ug aron molampos ang tumong sa programa sa deradikisasyon.
Isip kabahin sa aktibidad, nagpahigayon og medical check-up ang Provincial Medical Unit aron masiguro ang kahimsog sa mga FR.
Human niini, nagsadya sila sa KGovwill Resort, Brgy. Tinongcop, Tantangan, South Cotabato, diin nag-bonding ang mga FR ug mga pulis.
Dungan nga gipaambit sa mga mitambong ang pagkaon nga giandam ug gihatag sa Provincial Director, ingon man ang Force Commanders sa 1st and 2nd SCPMFCs ug South Cotabato PSWDO, nga naghatag ug dalan alang sa malampuson nga panagtapok.
Kini nga mga kalihokan nagsilbi nga pruweba sa tinuod nga pagpakabana, pagsabot, ug pagtinabangay aron magmalampuson ang programa ug makab-ot ang tumong sa kalinaw ug kausaban sa komunidad.(Rem Agdon)
News&Photos: SPPO