General Santos: Membro sa CTG nga wanted, Boluntaryong mitahan sa SARANGANI PNP

Boluntaryong mitahan sa kapulisan ang usa ka miyembro sa Communist Terrorist Group sa Brgy Batian, Maitum Sarangani Province niadtong Enero 4, 2024. Giila ang mi-surrender nga sila si alyas “Ewek”, 38-anyos, kanhi sakop sa teroristang grupo gikan sa Guerilla Front 73 MUSA Far South Mindanao Region, ug residente sa Centro, Batian, Maitum, Sarangani Province. Matod ni PMaj Francia Jr., boluntaryong mitahan ang Kanhi Rebelde (FR) dala ang iyang armas nga si Cal. 22 revolver nga gi-turnover niini ngadto sa mga personahe sa Maitum MPS, Sarangani Police Provincial Office, Police Regional Office 12 ug Bravo Company sa 38th Infantry Battalion, Philippine Army.

Dungan sa iyang pagsurender, gisang-at sa mga awtoridad ang pending nga warrant of arrest batok kaniya tungod sa kasong pagpatay. Ang maong warrant of arrest pirnermahan ni Hon. Precious Aurea Lumang Pojas, Presiding Judge sa Regional Trial Court, 11th Judicial Region, Branch 38, Alabel, Sarangani Province, penetsahan Oktubre 7, 2022. Ang kanhi rebelde nakahukom nga mobiya sa teroristang grupo tungod kay gusto niini nga manginabuhi nga normal kauban ang pamilya.

Sa karon giandam na sa kapulisan ang tanang gikinahanglang mga dokumento alang sa mi-surrender nga miyembro sa CTG aron maapil sa Enhance Comprehensive Local Integration Program (E-CLIP) sa gobyerno. (Jun Abelo)

PHOTOS-PCADG R12