Malapatan Sarangani Province – Ang buy bust operation nga gihimo sa mga otoridad sa Sitio Akbalo, Brgy Kihan, Malapatan, Sarangani Province mga alas 10:30 sa gabii niadtong Oktubre 10, 2023 misangko sa pagpusil batok sa usa ka lalaki nga gidudahang namaligya’g ilegal nga armas.
Patay ang suspek nga giilang si alyas “Rey”, 31-anyos, ug residente sa nahisgutang lugar.
Human sa pipila ka adlaw nga pagmonitor ug pakighinabi sa kapulisan nga nagpakaaron-ingnon nga buyer, nisugot na lang ang suspek nga ibaligya ang armas ngadto sa mga operatiba. Busa mihimo dayon og buy bust operation ang mga personahe sa CIDG Sarangani PFU.
Apan samtang gilusad ang aktuwal nga pagpamaligya og armas de fuego nadunggan sa suspek ang transaksiyon hinungdan nga nidagan dayon ug gipusil ang mga operatiba.
Daling gidala sa pinakaduol nga tambalanan ang suspek apan subo nga gideklarar nga dead on arrival.
Nakuha gikan sa suspek ang usa ka unit sa Cal. 38 revolver, usa ka buhing bala, mga bala, ug buy-bust money ug boodle money. (Rey Ombana)