General Santos: Labaw sa SARANGANI PNP, Mibisita ug nang apod – apod og school supplies sa mga Public Schools sa Sarangani Province

0
9
Sarangani Province – Si PCol Deanry R Francisco, Provincial Director sa Sarangani Police Provincial Office mibisita sa mga tunghaan sa Sarangani Province sa unang adlaw sa klase (Balik Eswela 2023), Agosto 29, 2023.
Dungan sa pagbisita sa Provincial Director sa mga tunghaan sa nahisgutang probinsiya, iya usab nga gipangunahan ang pagpanghatag sa mga school supplies sa mga tinun-an sama sa ballpen, lapis ug uban pa.
Dugang pa, gisusi usab ni PCol Francisco ang mga natukod nga Police Assistance Desks (PADs) ug ang mga pulis nga nadestino sa mga eskwelahan aron mahatagan og seguridad ang mga tinun-an aron mas masiguro ang kahapsay ug kaluwasan sa matag tinun-an, ginikanan ingon man sa atong mga magtutudlo. Ang katuyoan sa pagtukod og mga Police Assistance Desk sa mga eskwelahan mao ang paghimo og foot and mobile patrols, pagtabang sa hapsay nga dagan sa trapiko ug pagsiguro nga mas maayo ang pagpatuman sa “Balik-Eskwela 2023”. (Rem Agdon)
Photos: SPPO

Leave a Reply