General Santos City – Pinaagi sa usa ka courtesy visit, si National Intelligence Coordinating Agency (NICA) 12 Regional Director Harold B. Nacional pormal nga nakigtagbo ngadto kang Gensan City Mayor Lorelie Geronimo Pacquiao kagahapong adlawa, Enero 20, 2025.
Ilang gituki ang mga lakang sa pagpalig-on sa seguridad sa rehiyon, partikular sa General Santos City.
Gipaambit ni RD Nacional ang mga inisyatibo nga gitumong sa pagsulbad sa mga mahinungdanong isyu sa seguridad, samtang nagpahayag sa iyang hingpit nga suporta sa mga lakang sa lokal nga gobyerno aron masiguro ang kaluwasan sa matag lungsuranon.
Gihingusgan sab ni Mayor Pacquiao ang kamahinungdanon sa kooperasyon sa mga ahensya sa gobyerno aron mapadayon ang kahapsay ug kalinaw sa dakbayan.
Gihatagan usab niya og gibug-aton nga ang pagka-aktibo sa mga lakang sa seguridad mao ang yawe aron masiguro ang usa ka luwas ug labi ka mauswagon nga komunidad alang sa mga residente sa atong lungsod. (Rem Agdon)
News&Photos: CMO-GENSAN