General Santos City – Si PCOL. JOMAR ALEXIS A. YAP, City Director maoy nangulo sa duha ka mahinungdanong turnover sa command ceremonies isip pag-ilis og Hepe sa 2 ka Police Stations ning s’yudad sa General Santos.
Si PMAJ. LEMUEL VICENTE ENRIJO, kanhi nadestino sa Sarangani Provincial Police Office, maoy mihulip kang PCPT. ADOLF JULIEN DAVE FRANCISCO DIAZ isip hepe sa Police Station 7 nga nagbase sa Brgy. Fatima.
Samtang si PMAJ. ROBERT BARNEZO FORES, nadestino usab kaniadto sa SPPO, maoy nihulip kang PMAJ. DENNIS MONROID YUSON JR. isip Acting Station Commander sa Police Station 2 nga nahimutang sa Makar Brgy Labangal.
Ang duha ka outgoing officer girelibohan sa ilang katungdanan sa General Santos City Police Office ug gibalhin sa Regional Headquarters sa Tambler, GSC.
Si PMAJ. YUSON JR. mo-supervise na sa Regional Election Monitoring Action Center, samtang ang PCPT DIAZ makigtambayayong sa Regional Investigation and Detective Management. Ang duha ka mga opisyal nakadawat og Certificates of Recognition alang sa ilang sulondan nga trabaho isip station commander sa GSCPO.
(News & photo courtesy of GSCPO)
