29.5 C
Manila
Friday, March 29, 2024

General Santos: Gipasidunggan sa LGU Gensan ang 50 nga mga Business Establishment

- Advertisement -

General Santos City – Ang naunang 50 ka mga business establishment nga naka-renew sa ilahang mga business permit gikan Enero 3 ngadto na Pebrero 28 gipasidunggan sa LGU Gensan uban sa City Permits And Licensing Division Sumala kang Geraldine Zamora, labaw sa City Permits and Licensing Office nga ang pinakaunang nagpa-renew ang nakadawat ug 8 mil pesos ug plaque, 7 mil pesos ug plaque usab ang nadawat sa ikaduhang nagpa-renew ug 6mil pesos ug plaque ang nadawat sa ikatulong nagpa-renew ug business permit.

Samtang ang ika-upat ngadto na sa ika-50 nga nagpa-renew sa ilahang mga business permit ang nakadawat ug 5mil pesos ug plaque. Pagpaklaro niini nga per establishment ang ilahang gihatagan ug award rason nga adunay mga nanag-iya ug negosyo ang nakadawat ug doble nga mga award.

Samtang gibutyag ni Zamora nga sa karon, aduna pay pipila nga mga establisyento ang nagapa-renew sa ilahang mga business permit, apan aduna na kini multa.

Sa kasamtangan, anaa na sa kapin 11, 000 ang mga business permit nga ilahang na-release para sa mga na-renew samtang anaa sa 376 ang mga bag-o nga mga negosyo ang nagkuha ug business permit.

Gikan Enero, anaa na sa 40 ka mga negosyo sa Gensan ang nag-retire kon hingpit na nga nagsirado nga labing na-apektuhan sa covid 19 pandemic ug wala na makabangon human ang halos tulo ka tuig.

Dugang pamahayag ni Zamora nga mas daghan ang mga na-release nga business permit karon nga tuig kung itandi sa milabay’ng tuig 2022.

Gani mas daghan pa unta ang ihap sa mga nahatagan ug business permit, apan gumikan sa mga kulang nga
requirement, dili makakuha ug business permit ang ubang negosyo hilabina ang walay occupancy permit gikan sa office of the building official.

Pagpaklaro niini nga ilalom sa balaud, kinahanglan adunay ma-presenta nga occupancy permit o certificate of annual inspection aron nga mahatagan ug business permit. (Fred Degala).

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -