General Santos City: Ang Department of Social Welfare and Development (DSWD) sa Rehiyon 12 mipakusog sa ilang voter education campaign alang sa mga benepisyaryo sa Pantawid Pamilyang Pilipino Program (4Ps) sa Soccsksargen, Kini, aron sa pagsiguro nga sila adunay maayong kasayuran alang sa pag-apil sa eleksyon sa umaabot nga 2025 Nasyonal ug Lokal nga Eleksyon. Si DSWD Regional Program Coordinator for 4Ps Naifah Balindong nihatag ug gibug-aton sa pasalig sa departamento sa pagsangkap sa mga benepisyaryo sa kahibalo sa ilang mga katungod ug responsibilidad sa pagboto. Isip kabahin sa adbokasiya, gilusad sa DSWD ang Ako ay #Botanteng4Ps sa 4Ps TV pinaagi sa Facebook, uban sa SMS blasts ug voter education seminars nga gisagol sa ilang Family Development Sessions (FDS).