PINAAGI sa Oathtaking Ceremony, pormal nang milingkod sa pwesto ang bag-ong Indigenous Peoples Mandatory Representatives (IPMR) gikan sa nagkalain-laing Barangay, diin mismo pa gayud si Gensan City Mayor Lorelie Pacquiao ang nangulo sa nasampit nga pagpanumpa nga gipahigayon sa Kastifun Hall, City Mayor’s Office ning milabay’ng adlaw.
Ang nanumpa sa katungdanan gilangkoban ning mga mosunod isip bag-ong mga IPMR ning dakbayan sa Gensan:
• Eleazar Malayang Gulada – Brgy. Siguel
• Ryan Mark Empal Balunto – Brgy. Fatima
• Daisy Gilon Bacaron – Brgy. Conel
• Avelino M. Piang – Brgy. Katangawan
Sa nasampit nga okasyon, anaa usab ang presensiya nila DILG City Director Maria Theresa Bautista ug City Councilor Hon. Arcillas Ubo, IPMR Representatives, sa pagsuporta sa padayong pagpasiugda sa inklusibo ug makahuluganon nga pagdumala sa dakbayan. (Rem Agdon)
News&Photos: LGU-Gensan