GENERAL SANTOS CITY – Hugot nga seguredad ug permanente nga pakiglambigit sa mga friendly forces ang himuon sa kapulisan sa rehiyon dose aron hatagan ug seguredad ang mga board of election tellers nga mupahiluna sa pinili-ay ugmang adlawa. Kini luyo nga adunay saysenta y sais ka mga sakop sa Philippine National Police ang mahimo nga myembro sa Board of Election Tellers human miatras ang pipila ka taga DepEd sa Pikit North Cotabato gumikan sa kabakala nga may matigayon nga kasamok.
Una nga giila sa taga Commission on Election atul sa send off ceremony ang lima ka lugar sa Sultan Kudarat nga naa sa red category.
Buot ipasabot nga ang ang nahisgutang mga lugar ang adunay presensya sa armadong grupo u kaha kasamok nga mugna sa armado nga grupo u kaha private armies aron muhimo ug pagpanghadlok sa mga residente ug mga kandidato. Gani isip kabahins a preparasyon gimugna sa kapulisan ang Regional Election Monitoring and Action Center (REMAC) nga mureport sa mga insidente may kalabutan ang pinili-ay lakip ang security activities nga gipahigayon sa Security Task Force for BSKE 2023. (Jun Abelo)
