Malapatan, Sarangani Province – Nagpahigayon og one-stop shop services activity ang Department of Labor and Employment (DOLE) ngadto sa anaa sobra 300 ka mananagat sa Malapatan, Sarangani Province nga gihimo sa Municipal Gym.
Gipangulohan ni DOLE-12 Regional Director Joel Gonzales kauban si Provincial DOLE Chief Labor and Employment Officer Shiela Marie Dumulay ug Supervising Labor and Employment Officer Engr. Louie Esparagoza ang pagpahigayon sa maong aktibidad.
Gilangkuban sa nagkalain-laing serbisyo ang one-stop shop activity services nga gihatag ngadto sa maong ihap sa mga Mangingisda sa lungsod. Kini sama sa Boat Registration sa Maritime Industry Authority, Fishermen’s ID sa Bureau of Fisheries and Aquatic Resouces (BFAR), PhilHealth Enrolment and Konsulta, Pag-IBIG Enrolment and Housing Seminar, PSA Request for Civil Registry Documents in Security Paper and Registration for National ID, SSS Enrolment and Seminar, Philippine Coast Guard Sarangani, Security, Environment Protection Reinforcement ug Registration of Birth ug Marriage gikan sa Municipal Civil Registrar’s Office (MCR) ug uban pa.
Kauban usab sa maong aktibidad ang TESDA XII, Philippine Coast Guard, Southern Mindanao, Employee’s Compensation Commission XII.
Occupation Safety and Health Center – REU XII, Department of Foreign Affairs, National Bureau of Investigation ug Police Regional Office 12. Tungod niini nagpasalamat og daku si Malapatan Municipal Mayor Salway Sumbo sa tanang ahensya sa gobyerno nga mihatag og serbisyo ug nagkadaiyang tabang sa mga mananagat sa Malapatan sa pagpanguna sa DOLE-12. (Rem Agdon)