- Advertisement -
Maguindanao Del Sur – Mitahan na sa Buluan PNP ang 2 sa 3 ka mga suspek nga nalambigit sa pagpusil kang Dr. Sharmaine Barroquillo sa Buluan highway niadtong melabayng Pebrero 3, 2024 sa Maguindanao Del Sur.
Base sa report sa PNP BARMM gibutyag ni PNP BARMM Director PBGen. Allan Nobleza nga ang duha sa mga suspek 16 anyos samtang ang usa 18 anyos matud pa niini nga 2 sa mga suspek ang taga Buluan samtang ang usa taga Pandag.
Segun pa nga ang ginikanan mismo sa usa sa mga suspek ang boluntaryong midangop sa Pandag LGU aron i-surrender ang iyang anak human kini mitug-an sa krimen nga nahimo.
Sumala pa ni Nobleza nga tulis ang motibo sa nahitabong krimen.
Dugang pagbutyag pa usab ni Nobleza nga ang gunman nalambigit kaniadto sa sunod-sunod nga pagpanulis ug pagpatay sa Buluan ug ubang dapit sa Sultan Kudarat.
Samtang sa pagkakarun nagpabilin gihapong at-large ang usa sa mga suspek nga mipusil mismo sa doktor. (Giovanni Pasco)
- Advertisement -
