Sulod sa 420 ka adlaw niining padayon sa pakigbatok sa CoVid-19 gikan Marso 9 sa miaging tuig, anaa na sa 73% ang nabakunahan gikan sa 16,200 frontliners sa tibuok lalawigan sa Misamis Oriental.
Gibutyag ni Provincial IATF Chief Dr. Jerie Calingasan nga mokabat sa 12,831 doses sa SinoVac ug 5,400 doses sa AstraZeneca langkoban 11,883 ka mga indibidwal ang nabakunahan.
Lauman sab nga niining semanaha mangabot ang laing allocated Vaccines nga gitagana alang sa mga Senior Citizens nga frontliners kon mga empleyado aron makapadayon sa vaccination process alayon sa prioritization framework gikan sa Department of Health (DOH).
Samtang padayong gipahugtan ang mga polisiya kalabot sa pagtimbayayong sa tanang mga kawani sulod sa Kapitolyo Probinsyal aron mapakgang ang pagkuyanap niining makamatay nga virus hilabina dili angayan nga mag kumpyansa kay miabot sa 302 ang aktibong kaso sa Misamis Oriental ning kasamtangan.
“I really hope that we’ll be able to work with the pandemic together,” sulti ni Gobernador Bambi.
Dugang mensahe ni Gobernador Bambi nga saludo siya sa mga paningkamot sa Provincial Health Office sulod sa kapin usa na ka tuig nga pakigbatok niini nga pandemya.
Gani man walay hunong nga miawhag ang kagamhanang probinsyal sa kinabag-an nga kanunayon ang pagsunod sa insaktong gabayan aron makalikay ug dili mataptan sa CoVid-19.
(Provincial Information Office – MisOr)