Isa ka patay’ng fetus an nakit-an alas tres sa hapon Disyembre 7, 2020 sa Sitio Gayas, Brgy. Sabang, Surigao City.
Gituohan nga 6 ngadto na sa 7 ka buyan an babaje nga fetus nga nabagtan ni Joseph Utaca Jisura, residente sa nahisgutang lugar.
Sa imbestigasyon ni PSMS Cesar Johans Castillo nasayran nga gibajaan an fetus sa lapokon nga area sa nahisgutang lugar. Nakipagcoordinate na usab an Surigao City Police Station ngadto sa barangay officials sanan brgy. health worker para ilubong an fetus.
Nagpahigayon usab nan follow up operation an City PNP para sa pag-ila sa responsabling suspek ug pasakahan nan tukmang kaso ngadto na sa City Prosecutors Office.
(Mark James Lisondra, Ronda 21, RPN DXKS Surigao)