General Santos City – Gipagawas na ni Gensan City Mayor Ronnel C. Rivera ang bag-ong executive order niini alang sa mga nakatakdang ipatuman nga mga health protocols karon bulan sa Abril. Kini ang executive order no. 13, ang executive order nga nag amyenda sa E.O no. 10, series of 2021.
Ilalum sa maong Executive order sa mayor nagpabilin gihapon nga requirements sa mga incoming nga mga travelers gikan sa Luzon ug Visayas pinaage sa Land, water ug air travels ilabi na kon gikan niadtung lugar nga adunay taas nga kaso sa covid 19 ang negative RT-PCR Antigen Result.
Hinuon wala na nahilakip sa E.O no. 13 ang mandatory quarantine gawas na lamang niadtung adunay mga sintomas ug mga direct contact sa Covid positive.
Requirements usab sa mga incoming passenger or travelers ang OR Code, Sama sa TAPAT, CCTS, MTDC SA MALUNGON ug uban pa.
Alayon usab niini Nakatakda usab nga magpahigayon og house-to-house check LGU, aron masiguro nga adunay kaugalingong mga quarantine passes o QR codes ang matag-panimalay sa siyudad.
Lakip sa kamanduan sa Mayor ngadtu na sa nagkadaiyang Barangay Emergency Response Teams (BHERTs) ug Barangay Covid Control Forces (BCCFs) nga i-check sa tanang households ang “availability” sa maong mga quarantine passes, sama sa TAPAT ug Covid-19 Contact Tracing System nga giisyu sa Malungon, Glan, Cotabato City ug Davao City.
Subay sa Executive Order No. 13 sa mayor, kinahanglang i-report sa BCCFs ug BHERTs sa TAPAT Coordinators ang “inventory” sa maong mg QR codes, aron maka-isyu og dugang quarantine passes ang LGU. (John Rey Somido)