Miabot sa 50 ka mga Olive ridley nga klase sa pawikan ang gibuhian ngadto sa baybayon sa Dipolog Boulevard pinaagi sa buhatan sa Environment and Natural Resources Office sa Dipolog, niadtong Disyembre 2,2024 sa may alas 6:00 ang takna sa kabuntagon.
Kini nga mao nga pagbuhi sa mga pawikan gipangusgan sa kagamhanang lokal ning dakbayan sa Dipolog isip pagprotekta alang sa pag konserba sa mga pawikan ilabi na karon nga hatchling season.
Kahibaloan nga kining matang sa pawikan nalakip sa “vulnerable species” nga mangitlog sa kabaybayonan aron maatiman ang ilang mga itlog hangtod kini luwas sa ilang pagkapusa.
Ang City ENRO nag awhag ngadto sa publiko kung adunay mabantayan nga pagpangitlog sa maong klase sa pawikan ipahibalo gilayon sa hingtungdan sa City ENRO. (Medalyn U. Borja)
(Source: Dipolog ENRO)