Nagmalampuson ang gihimo nga operation sa mga sakop sa Criminal Investigation and Detection Group Mandaue City Field Unit batok sa usa ka tindahan namaligya og mga fake nga sigarilyo.
Pasado alas 2:00 kagahapon sa hapon, Hunyo 20, 2023 gilusad ang pagpangronda didto sa SYH wholesale and retail store nga nahimutang sa MC Briones Street, Sitio Carbon, Barangay Ermita, siyudad sa Sugbo.
Ang maong tindahan gipanag-iya sa usa ka Chinese National nga mao si Allen Lim, 40 anyos ang panuigon, nagpuyo rapud sa maong lugar nga nasikop usab atol sa maong pagpang ronda.
Nihimo sa pagpang ronda ang taga CIDG gumikan kay adunay taho nga ang maong tindahan namaligya kini og mga peking sigarilyo.
Mga kinartong sigarilyo ang na aktuhan sa CIDG uban sa mga sakop sa Bureau Internal revenue (BIR).
Sa pagkakaron ang mga ebidesya na nasakmit gidala sa buhatan sa CIDG Mandaue City Field Unit og giandam na usab ang tukmang kaso niini.
Photo: CIDG Mandaue City Field Unit
via Renante Lada
