Gikalipay sa mga doktor ug medical frontliners sa General Santos City ang deklarasyon sa Malacañang nga usa ang siyudad sa mga prayoridad alang sa dugang alokasyon sa mga bakuna kontra Covid-19.
Sa pakighinabi sa RPN DXDX GENSAN, giasoy ni Philippine Medical Association-GenSan chapter president, Dr. Fidel Peñamante, “welcome development” ang maong anunsyo taliwala sa nagtaas nga kaso sa coronavirus infections sa dakbayan.
Base sa June 29 tracker bulletin sa Department of Health, misaka na sa 5,659 ang citywide tally, diin, 669 sa mga niini ang nagpabiling active patients.
Una nang gianunsyo ni presidential spokesperson Harry Roque nga subay sa rekomendasyon sa National -IATF, dugang suplay sa bakuna ang itagana sa mga lugar nga anaa sa NCR+8 ug Plus 10 areas, taliwala sa nagtaas nga kaso sa Covid-19 infection.
“The better for us. Ang tanong lang, ilan sa 1 million na yan ang makakarating sa GenSan, kasi marami tayong maghahati niyan. Pero, mas marami ang dumating, mas mabuti sa atin dito sa GenSan,” ang tipik pamahayag sa PMA official.
Ning adlaw’ng Lunes, June 28, miabot sa Pilipinas ang maong suplay sa bakuna gikan sa China company nga Sinovac Biotech. (John Rey Somido)