Dako kaayo ang kalipay nga gidawat sa personahe sa Department of Trade and Industry (DTI) ning s’yudad sa General Santos City human subli nilang na-angkon ang “DTI 12 Best Performing Field Office award” sa ikaduhang higayon o tuig.
Gihatag ang maong award atol sa gipahigayong DTI-12 Regional Assembly nga adunay tema nga “DTI CREATES: Creativity and Agility Towards Excellence and Sustainability” sa The Farm @ Carpenter Hill, City of Koronadal, South Cotabato nga gilusad bag-ohay lamang.
Kini nga pasidungog nagsilbi nga kulminasyon sa sulundon nga serbisyo sa DTI-GenSan sa mga MSME gikan sa General Santos City sa miaging duha ka tuig.
Kini nagpakita lamang nga ang DTI-GenSan naghatag og “Serbisyong labaw pa sa gila-uman” nagpakita sa walay kataposang inspirasyon, kadasig ug tinguha nga molambo pa ang sektor sa negosyo sa dakbayan.
Tungod niini, ang DTI- GenSan magpadayon sa pagpaningkamot alang sa pagkamaayo sa tanan nga mga serbisyo ug mga gimbuhaton ug gamiton kini nga pag-ila ingon nga dugang nga kadasig sa pagbuhat ug labaw pa. (Rey Ombana, photo courtesy of DTI-GenSan)