Cebu City – Gipahibaw sa Department of Social Welfare and Development 7( DSWD 7) nga karon na lang adlawa, Sabado, Disyembre 26, 2020, ang katapusang lugway sa payout sa Social Amelioration Program kun SAP.
Niadtong Disyembre 14, 2020, mipagawas ang DSWD 7 sa lista sa mga benepisyaryo sa SAP 2 nga anaa sa payroll apan wala pa nakakuha.
Bisan pa niini, matod sa Ahensya nga daghan pa gihapon ang wala ni claim sa ilang ayuda.
Busa ang DSWD 7 mihatag ug laing higayon nga maka kuha kutob sa Disyembre 23, 2020.
Hangtud sa gihatag nga katapusang lugway karong adlawa, Disyembre 26, 2020.
Ang mga hingtungdan gipahibaw pinaagi sa local social welfare and development office o sa Barangay.
Kadtong dili pa gihapon maka kuha human sa gihatag nga mga lugway, ipacertify na sa mga barangay kapitan nga wala gyud sila diha sa lugar ug dii na gyud sila mahimong mabayaran pa. (Author & photo courtesy by Jhon Tadlip/JTY)
(Source: DSWD 7)
