Surigao City – An DOST-Food and Nutrition Research Institute, an principal research sa gobyerno sa pagkaon ug nutrisyon, nagsugod sa pagpahigayon sa 2023-2024 National Nutrition Survey (NNS), na naglangkob sa 81 ka probinsiya, 33 ka highly urbanized na siyudad (HUCs) ug 3 bang mga espesyal na lugar sa tibuok nasud.
Para sa Surigao del Norte, an panahon sa pagkolekta sa datos gikan sa Pebrero 8-22, 2024. An NNS maghatag ug empirical data sa nutrisyon ug kahimtang sa kahimsog sa mga Pilipino na hinungdanon na mga input alang sa paghimo sa mga palisiya sa nutrisyon ug kahimsog ug pagplano sa mga programa sa nutrisyon.
An mosunod na mga sangkap sa survey kolektahon sa mga panimayay: anthropometry, biochemical, clinical and health, dietary, socio-economic, food security, partisipasyon sa programa sa gobyerno, pagpakaon sa masuso ug bata, kahimsog sa inahan ug nutrisyon, ug palibot sa pagkaon.
Isa ka pre-survey coordination meeting an gipatawag jadton Enero 24, 2024, na naglakip sa provincial, municipal, ug barangay nutrition action officers.
An miting gitumong sa pagpresentar sa kinatibuk-ang panglantaw sa NNS ug paghisgot sa mga panginahanglan sa survey, pagpalambo sa paglinya ug kolaborasyon sa mga stakeholders.
Atol sa courtesy visit sa DOST-FNRI personnel ngadto sa Provincial Science and Technology Office jadton Pebrero 13, 2024, si Ms. Mariel P. Makinano, DOST-SDN Provincial Director, nagpahayag sa ija pasalamat sa ahensya sa pagpanguna sa pagpahigayon sa NNS sa Surigao del Norte ug dugang nga gipamatud-an pag-isab an ija pasalig sa paghatag ug suporta ug tabang sa tibuok na pagpahigayon sa survey sa tibuok probinsiya.
An pagbisita gitapos sa isa ka makalingaw na S&T tour sa Provincial Research, Innovation, and Science Museum (PRISM) diin ang DOST-FNRI team nagsuhid sa nagkalain-laing interbensyon na gipakita sa gallery sa science exhibits, makerspace, ug sa 21st-century model classroom.
An DOST-Surigao del Norte, sa pakigtambayayong sa mga attached agencies niini, nagpabiling dedikado sa pagpausbaw sa kaayohan sa mga Surigaonon pinaagi sa kahibalo ug epekto na mga inisyatiba. (Ronda 21 Mark James Lisondra, photo courtesy of DOST SDN)
