Cagayan de Oro City – Taliwala pa man sa dakong epekto sa coronavirus disease (COVID)-19 nga nakaapekto sa mga public health programs, ang Department of Health-10 nagapahigayon pa gihapon sa Drugs Abuse Prevention and Control Week sa Northern Mindanao ubos sa tema nga “Better Knowledge for Better Care.”
Ang kalihokan nagtinguha sa padayon nga paghatud sa awareness sa mga anti-drug programs taliwala niining health crisis. Atol sa Talakayan sa Philippine Information Agency, gisugilon ni Dr. Benson Go, ang namuno sa Treatment Rehab Center ug sa Northern Mindanao Wellness and Reintegration Center nga ang drug addiction dili mahunong bisan pa kon nay mga katalagman o pandemya. Iyang gitin-aw nga agig pagsunod sa minimum health safety protocols, ilang gilimitahan ang bed capacity sa ilang dormitory style facilities ug giabangan sa virtual drug rehab consultations ug sessions ilabi na sa mga pasyente gikan sa duha ka major rehabilitation centers sa syudad sa Cagayan de Oro ug Malaybalay.
Dugang pa niini, gisugilon usab ni Dr. Go sa maong Talakayan nga ang kawad-on sa income ug productivity sa usa ka drug-addict, dili lamang makadaot kaniya kon dili apil usab sa ekonomiya ug sa kalisod sa matag usa. (PIA-10)