Nangrugin ita nga School year 2020 – 2021 ti “Doctor of Medicine Scholarship Program” ti Gobierno probinsial.
Daytoy ti inpakaamo ni Sang. Panlalawigan Member Atty. Saul Lazo, chairman ti committee on Education.
Imbatadna a naiget a supsuportaran ni Gob. Matthew Marcos Manotoc ti nasao a programa gaou ta mamati a dakkel ti maitulong daytoy iti pannakapasayaat ti salun-at ditoy probinsia a maysa kadagiti kangrunaan nga itantanduduna.
Impalgak ri bokal a mayor-urayen ti pannakapirma ti “Implementing Rules and Regulations” ti nasao a programa.
Inlawlawag ni Lazo a sangapulo ket innem dagiti umuna nga agbalin nga iskolar ti probinsia agsipud ta uppat iti kada “year level” ti naaprobaran.
Mainaig iti daytoy, kunana nga inbunannag ti Mariano Marcos State University a no nasayaat ti pagresultaan ti “Board Exam” dagiti umuna nga agturpos a benepisiario daytoy ket mabalin a manayunan ti bilang dagiti agdama nga iskolar ti probinsia.
Kabayatanna, pinasingkedan ni Lazo nga agtultuloy dagiti daduma pay nga scholarship program ti Gobierno probinsial kas iti Sirib Academic Scholarship Program, Sirib Youth Leaders Scholarship Program Tech/Voc Scholarship Program SeniorHigh Scholarship Program ken Athletic Scholarship Program.
(OIC Rodrigo Sadian, RPN DZRL Batac, photo courtesy of Abogado Saul Albano Lazo Facebook page)
(Source: LGU Batac City)