Gipamahayag ni Mr. Gieron Barry N. Hampac, Health Emergency Management Staff sa Zanorte Medical Center (ZNMC) ang mahitungod sa medical equipment ug medicine nga sukad ang ZNMC ubos sa Kagamhanang Probinsyal kung unsay budget nga ihatag nga suporta sa panglawas ngadto sa katawhan mao lang usab kini ang idapat sa mga pasyente nga tabang.
Dugang pa ni Mr.Hampac atol sa gipahigayong Ligtas Christmas Media Forum sa Department of Health (DOH), kagahapon nga makaingon ang uban nga kulang gumikan ang ZNMC giakomudar ang tanan lakip na sa 3rd district sa Zamboanga del Norte diin dunay duha ka kaso sa pasyente nga muanha sa hospital diin sagad niini bisan ginagmay lamang ang sakit o gipamati sa lawas mupaadmit na sa hospital.
Gipasabot niya nga dili sa ingun nga kulang ang tambal sa naasoy’ng hospital gumikan lamang kini nga ubay-ubay ang mga pasyente nga naadmit sa maong balay tambalanan og kulang ang stocks nga tambal, apan giklaro ni Hampac nga aduna ra gayod tambal sa naasoy’ng tambalanan.
Panapos nga pamahayag ni Mr.Hampac nga naningkamot ang ZNMC hospital nga makapalit sa unsa man ang kulang nga medical equipment ug medisina alang sa paghatag medical attention ngadto sa mga nagkinahanglan ug tabang nga mga pasyente ning lalawigan.(Angelica T. Obina)