Gihatagan og pagtagad sa Sangguniang Bayan sa Salug ang implementasyon sa Rice for All Program (RFA) o ₱20 Rice Project ug ang plano sa munisipyo sa pag-angkon og yuta alang sa mga proyekto sa gobyerno.
Atol sa regular session niadtong Septiyembre 7, 2026, pormal nga nadawat sa konseho ang memorandum bahin sa Memorandum of Agreement (MOA) tali sa Salug ug Provincial Government of Zamboanga del Norte para sa pagpatuman sa ₱20 Rice Project.
Pinaagi sa maong kasabutan, gitumong nga mapadayon ang suplay sa barato ug accessible nga bugas alang sa mga kwalipikadong panimalay ug makatampo sa pagpalig-on sa food security sa lungsod.
Giresolbar usab sa konseho ang memorandum kabahin sa pagpalit sa munisipyo og duha ka parsela sa yuta sa Barangay Mucas, nga adunay hiniusang sukod nga 21,914 square meters ug gipanag-iya ni Mr. Rady M. Gumandol.
Ang maong yuta gituyo alang sa public use ug sa umaabot nga mga proyekto sa lokal nga gobyerno.
Padayon nga gihatagan og prayoridad sa Sangguniang Bayan ang mga lakang nga responsable, transparent, ug adunay direktang benepisyo sa katawhan sa Salug.(IKEN B. GULLEM)
Source: Office of the Vice Mayor Municipality of Salug