Dipolog: ZNPPO Provincial Director PCol. Rainier P. Diaz gapahigayon ug presscon mahitungod sa duha ka police nga nangolekta sa piryahan sa Salug, ZDN

0
15
photo courtesy by Angelica T. Obina

Gapahigayon ug Press Conference si Prov. Director PCol. Rainier P. Diaz sa Zamboanga del Norte, mahitungod na sa nahitabong viral video nga gikatahong involved ang duha ka police officers didto sa Poblacion, Salug, Zambo. del Norte, sa may Piryahan, atol sa pagsaulog sa kapistahan sa nahisgutang lugar.

Ang maong press conference gipanguluhan ni ZNPPO PRESS CORPS President Michelle Bala nga gisugdan sa may alas 3:00 sa kahaponon, Abril 27, 2024, Camp Hamac, Sicayab, Dipolog City.

Matud pa ni Pcol. Diaz ang maong mga police gihatagan na kini ug action ug sa pagkakaron na relieved na ug kasamtangan anaa na karon sa Camp Hamac, Sicayab, Dipolog City.

Kahibaloan gawas atong video nga nag viral aduna pay laing video nga mitumaw kalabot na sa sumpay sa migawas nga unang video,ug didto adunay usa ka pamahayag sa usa sa tag iya sa piryahan nga kining duha ka police mangayo gayud kanila ug kwarta.

Ang maong video gipakita mismo sa usa ka news reporter atol sa gipahigayon nga PressCon ug nakita gayud ni Pcol. Diaz ang maong panghitabo. Gani nanawagan c Pcol. Diaz sa responsableng tag iya sa video ug nag post sa Fb nga mutumaw sa ilang buhaton aron mapadali ang imbestigasyon sa tinoud nga panghitabo aron kini ma desisyonan.

Dugang saysay kaniya kung ugaling makita nga saypan ang duha ka polis mahitabong ma dismiss kini sa serbisyo or ma suspended sa trabaho.

Gihingusgan mismo ni Pcol. Rainier P. Diaz nga mapadali ang maong imbestigayon aron man dili mahugawan ang imahe sa kapolisan ning atong probinsya kay siya mismo dili niya tugutan nga adunay kapolisan nga mang abuso sa iyang termino sa iyang pamunuan. (Angelica T. Obina)

Leave a Reply