Nagpahigayon og caroling ug gift-giving activity ang 1st Zamboanga del Norte Provincial Mobile Force Company sa Barangay Kauswagan, lungsod sa Sergio Osmeña, isip bahin sa ilang community outreach program.
Sa pagpanguna ni Police Lieutenant Colonel Ryan Jay R. Capurcos, Force Commander, gipahatod sa mga kapulisan ang kalipay ug paglaum ngadto sa mga residente pinaagi sa yano nga mga kanta, pahiyom, ug gasa, ilabi na sa mga benepisyaryo sa barangay.
Matod pa sa PMFC, ang kalihukan nagpakita nga ang serbisyo publiko dili lang limitado sa pagpatuman sa balaod, kondili apil usab ang pagpakabana, pagpaambit, ug pagpakigduyog sa komunidad nga ilang gialagaran.(JENIFFER JR. DELICA)