Ang Community Environment and Natural Resources Office sa Siocon pinangulohan ni CENR Officer Rey A. Jalandoni nagsaulog sa World Water Day 2023 pinaagi sa pagpahigayon sa pagpanglimpyo sa water spring sulod sa Siocon Resource Reserve (SRR) niadtong Marso 22.
Ang nasangpit nga lugar naghatag ug tubig sa irigasyon sa mga humayan sa barangay A.L. Micubo, Latabon ug Pangian sa maong lungsod. Gipili kini isip clean-up area subay sa Priority Thrusts and Direction sa departamento.
Ang nasangpit nga aktibidad gisalmotan sa 43 ka personnel sa CENRO Siocon.
Human sa pagpanglimpyo, usa ka awareness campaign ang gihimo ngadto sa mga personnel sa CENRO Jalandoni. Gihisgutan niya ang kamahinungdanon sa tubig, ang panginahanglan sa pagpadayon sa pagdumala niini ug pagpasiugda sa aksyon nga makatabang sa pagsulbad sa isyu. Gihatagan usab niya og gibug-aton ang kamahinungdanon sa paglihok tungod kay ang kanihit sa tubig, mainom ug irigasyon, posible sa bag-o nga pagpahibalo sa PAGASA kabahin sa El Niño phenomenon nga lagmit magsugod sa Hunyo ning tuiga.
(Source: DENR Zamboanga Peninsula Facebook page)
