Malampusong nasikop sa mga personahe sa Sindangan Municipal Police Station (MPS), sa pakig-alayon sa Zamboanga del Norte Provincial Mobile Force Company (ZNPMCC), Provincial Intelligence Unit (PIU), ug Zamboanga del Norte Provincial Police Office (ZNPPO), ang usa ka wanted person,mga alas 11:45 ang takna sa buntag, Hunyo 2,2025, didto sa Lawis, Sindangan, Zamboanga del Norte.
Ang dinakpan nga wanted person naila nga si Gelbert Malabago De Guzman, 27 anyos nga residente sa Brgy. RG Macias, Sindangan, Zamboanga del Norte.
Ang pagdakop gihimo pinasikad sa usa ka Warrant of Arrest alang sa krimen nga Reckless Imprudence Resulting to Serious Physical Injuries, nga gipirmahan ni Hon. Nimfa B. Carreon-Padao, Presiding Judge sa Municipal Circuit Trial Court, Ninth Judicial Region, Sindangan, Zamboanga del Norte, pinetsahan Mayo 27, 2025 ug adunay girekomendar nga piyansa nga mobalor sa P12,000.00 alang sa iyang temporaryong kagawasan.
Ang suspek anaa na karon sa kustodiya sa Sindangan MPS alang sa hustong proseso sa pag-atubang sa maong kaso.(Medalyn U. Borja)
Source: ZNPPO