Gidakop sa kapulisan ang usa ka 34-anyos nga lalaki sa joint operation sa Barangay Dawo, Dapitan City niadtong nilabayng adlaw, tungod sa kalapasan sa New Anti-Carnapping Act of 2016.
Ang operasyon gihimo sa Dapitan City Police Station kauban ang Mabuhay SBC 5th SOU ug 901st MC RMFB9, pinaagi sa warrant of arrest nga giisyu sa Presiding Judge sa RTC Branch 8, Dipolog City, nga adunay girekomendang piyansa nga ₱60,000.
Gihangyo sa Dapitan City Police Station ang publiko nga magmatngon ug dayon ipahibalo sa mga otoridad ang bisan unsang daotan nga kalihokan aron mapugngan ang krimen.(JENIFFER JR. DELICA)
Source: Dapitan City Police Station ZNPPO