Boluntaryong gi-surrender sa usa ka indibidwal ang usa ka dili lisensyado nga armas ngadto sa mga personahe sa kapulisan didto sa Barangay Soguilon, Siayan, Zamboanga del Norte, niadtong Abril 9,2026.
Ang maong indibidwal kinsa mitahan sa dili lisensyado nga armas, gihulagway nga usa ka unit sa improvised rifle (cal. 7.62mm) nga walay magazine ug bala.
Ang pagtahan gihimo pinaagi sa mga personahe sa Siayan Municipal Police Station isip pagpahigayon sa kampanya sa pagpakatap og impormasyon batok sa mga loose firearms.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa mga loose firearm ug sa ilang padayon nga paningkamot aron mapanalipdan ang komunidad.(MEDALYN U. BORJA)
Source: ZNPPO – Siayan MPS