Nasikop ang usa ka lalaki atol sa gipahigayon nga buy-bust operation sa Siocon, Municipal Police Station (MPS) didto sa Barangay S.Arabi, Siocon, Zamboanga del Norte niadtong Martes Agosto 12, 2025.
Naila ang dinakpan nga si alyas “Nardo”, 42 anyos single, ug usa ka mag-uuma ug residente sa Barangay Siay sa nahisgutang lungsod.
Ang maong operasyon gipangulohan sa Municipal Drug Enforcement Team (MDET) sa Siocon, Municipal Police Station, kauban ang Zamboanga del Norte Provincial Drug Enforcement Unit (ZN PDEU), 2nd Zamboanga del Norte Provincial Mobile Force Company (2nd ZNPMC), ug 905th Regional Mobile Force Battalaion 9 (RMFB9).
Nasakmit gikan sa dinakpan ang usa ka piraso nga heat-sealed transparent plastic sachet nga adunay puti nga kristalin nga granules nga gituohang shabu nga nagsilbing buy bust item ug laing pang upat ka piraso nga heat-sealed transparent plastic sachet nga adunay susamang sulod gikan sa iyang possession.
Dugang nakuhang ebidensya mao ang usa P500 peso bill nga adunay serial number CG2605339 nga nagsilbing buy-bust money ug lima ka piraso nga P100.00 peso bill, ug usa ka unit nga cellphone.
Mokabat sa 2 gramos ang timbang sa nasakmit na droga gikan sa dinakpan nga gibanaba nga kantidad P13, 600.00.
Gipasabot sa kapulisan ang suspetsado sa iyang katungod ubos sa Konstitusyon, samtang ang mga nakumpiskang droga ug ebidensya giturn-over sa Zamboanga del Norte Forensic Unit, Liloy Satellite Office alang sa eksaminasyon.
Ang dinakpan anaa na karon sa kustodiya sa Siocon Municipal Police Station (MPS) alang sa tukmang disposisyon.(Jumalisa Papa)
Source: Siocon MPS