Usa ka eksplosibo o granada nga napalgan ang boluntaryong gi-surrender sa usa ka miyembro sa KASANGGA PEACEKEEPERS ngadto sa kapulisan, Enero 25,2026.
Ang maong pag surender dungan sa padayon nga kampanya batok sa mga eksplosibo nga gihimo pinaagi sa mga personahe sa Liloy Municipal Police Station (MPS), sa pakigtambayayong sa Explosive Ordnance Disposal Unit 9 (EOD9), bahin sa “AKBD: Awareness of Bombs that Kill Lives and Destroy Properties” para sa LILOY MPS Force Multipliers (KASANGGA PEACEKEEPERS Brotherhood and Sisterhood).
Kini nga kalihokan nagtumong sa pagpalig-on sa pagkamabinantayon ug kahibalo sa mga kauban sa komunidad bahin sa mga kapeligrohan nga gipahinabo sa mga gamit sa pabuto ug ang kamahinungdanon sa mga proactive nga lakang sa kaluwasan.
Kini nga inisyatibo miresulta sa boluntaryong pagtahan sa usa ka eksplosibo nga napalgan sa usa ka membro sa nasangpit na grupo.
Ang maong responsible nga buhat nagpasiugda sa pagka-epektibo sa lecture ug sa lig-on nga pasalig sa Force Multipliers sa pagsuporta sa mga paningkamot sa pagpatuman sa balaod sa pagpanalipod sa mga kinabuhi ug mga kabtangan.
Kining malampusong operasyon nagpakita sa lig-on nga pasalig sa pagpangita sa mga wanted nga indibidwal ug pagmintinar sa kalinaw ug kahusay sa atong komunidad.(MEDALYN U. BORJA)
Source: Liloy MPS ZNPPO