Gidala sa hospital ang usa ka babaye human kining giluba sa iyang maguwang didto sa Brgy. Sicayab Dipolog City sa kadlawon niadtong Pebrero 3 ning tuiga.
Ang 47 anyos nga magtutudlo nga biktima,minyu ug usa ka magtutudlo sa JRMSU Dapitan Campus ug lumolupyo sa Camp Hamac, Barangay Sicayab ning dakbayan.
Ang suspek nga si alyas Rodel,maguwang ra usab sa biktima, 50 anyos ug lumolupyo ra sa gihapon sa nahisgutang dapit.
Matud pa sa pasiunang imbestigasyon sa mga kapulisan, ang duruha nagkalalis kinsa gituohang anaa sa ilawom sa impluwensya sa ilimnong makahubog hinungdan sa insidente nga pagpangdungab.
Human sa hitabong panaglalis naglingkod matod pa ang biktima sa sofa ug naglantaw ug TV apan kalit nga naabot ang suspek ug giluba sa suspek sa nagkadaiyang parte sa kalawasan ang biktima.
Apan adtong higayuna nakasibat pa ang biktima ug nakapangayo ug tabang sa iyang inahan ug dali usab kini nga gidala sa Zanorte Medical Center samtang ang suspek ang dali dayung nadakpan sa mga kapulisan sa Dipolog PNP.
Nakuha usab sa crime scene ang 25 centimeters nga kutsilyo nga maoy gigamit sa pagpangdunggab ngadto sa biktima.(Angelica T. Obina)
Source: Dipolog PNP