Boluntaryong gi-surrender sa usa ka indibidwal ang gipanag-iya niini nga dili lisensyado nga armas atol sa gipatoman nga Law Enforcement Operation, niadtong Agosto 7,2026,didto sa Barangay Guimotan, Baliguian, Zamboanga del Norte.
Ang maong loosed fire-arm nga iya sa nasangpit nga indibidwal gihulagway nga usa (1) ka yunit sa improvised shotgun nga walay serial number ug walay buhing bala.
Ang boluntaryong pagsurender resulta sa gipakusog nga information drive isip suporta sa kampanya batok sa mga loose firearms ug explosives sa mga personahe sa kapulisan sa Baliguian Municipal Police (MPS).
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa mga loose firearms aron mapanalipdan ang atong komunidad.(MEDALYN U. BORJA)
Source: PNP Baliguian Municipal Police Station