Bilanggoan ang gipadulngan sa usa ka Barangay tanod homan masikop ug makumpiskahan sa kapulisan sa mukabat kapin P100,000 nga balor sa ilegal na drugas atol sa gikasa nga drug buy-bust operation mga alas 6:58 ang takna sa kagabhion, adlawng Myerkules ,Enero 21, 2026 didto sa Barangay Sicayab, ning dakbayan sa Dipolog.
Ang maong dinakpan naila nga si alyas “Recmar”, 29 anyos,ulitawo,mananagat/tanod nailahang bag-ong SLI ug residente sa susamang Barangay.
Ang pagkadakop sa suspek gihimo pinaagi sa mga personahe sa ZNPDEU (Lead Unit)pinangulohan sa Chief-ZNPDEU, uban sa DIPOLOG CPS, ZNPDEA, 5th SOU PNP-MG, ZDN MARPSTA ug 901st MC RMFB9.
Nakumpiska gikan sa suspek atol sa operasyon mao ang Usa ka piraso nga small-sized heat-sealed transparent plastic sachet nga adunay sulod nga puti nga crystalline granules nga gituohang “shabu”; buy-bust nga butang, Katorse ka piraso nga small-sized heat-sealed transparent plastic sachet nga adunay sulod nga puti nga crystalline granules nga gituohang “shabu”(possession), Usa ka piraso sa ₱500 peso bill isip buy-bust money, Usa ka unit sa Smartphone brand Vivo kolor itom nga adunay casing,Usa ka piraso sa waist bag nga kolor blue nagsilbing sudlanan sa mga drug items.
Ang nakumspikang ebidensya sa drugs gibana-bana nga mutimbang sa 15 ka gramos nga adunay DDB standard nga presyo nga Php 102,000.00.
Ang mga drug items i-turnover ngadto sa ZDN Provincial Forensic Unit para sa inisyal nga pagtimbang ug eksaminasyon uban sa suspek alang sa pagpa ilawom sa drug testing.(MEDALYN U. BORJA)
Source: ZNPDEU