Ipahigayon ang temporaryong road closure ug traffic re-routing sa pipila ka dalan sa Dapitan City alang sa Opening Parade sa 17th Inter-Government Agency Sportsfest o iGAS alas 7 sa buntag niadtong September 14, 2026.
Magsugod ang parada sa JRMSU Ground ug moagi sa Guading Adaza, City Hall Drive o Fr. Hamak St., Leonor Rivera St., Noli Me Tangere St. ug Lawaan Highway padulong sa Dapitan City Government Center.
Lakip sa ipatuman nga road closure ang bahin gikan sa Crossing DAMPA paingon sa Road 23. Aduna usab giandam nga alternate route alang sa mga motoristang gikan sa Polo, nga moagi sa El Filibusterismo St., Leonor Rivera St., Don Carnicero, Justice Saguin St. ug Bagting Area.
Gidasig ang mga motorista ug commuters nga magplano daan sa ilang biyahe, mogamit sa alternatibong mga ruta ug mosunod sa instruksyon sa traffic personnel aron malikayan ang paghuot sa dalan ug masiguro ang hapsay ug luwas nga pagpadayon sa Opening Parade.(JENIFFER JR. DELICA)
Source: Dapitan City Government