Wala na makaikyas sa kamot sa mga tinugyanan sa balaod human masikop kining gi-alegar nga Top 5 most wanted person (Municipal Level) mga alas 11:10 ang takna sa buntag, Enero 6, 2024.
Ang maong wanted person nailhan nga si Isagani Alon Bulat-ag Sr.,42 anyos,mag-uuma ug residente sa Purok Manga, Silawe, Polanco, Zamboanga del Norte, kinsa gidakop sa gilusad nga intelligence-driven operation sa mga personahe sa Tracker Team sa Polanco MPS pinaagi sa duha ka warrant of arrest nga giisyu ni Hon. Nestor Rabulan Angeles, Presiding Judge sa Regional Trial Court, 9th Judicial Region, Branch 3, Dipolog City.
Kabahin sa krimen nga Attempted Parricide nga adunay girekomendar nga piyansa nga P120,000 ug nalutsan sa ikaduhang warrant tungod sa paglapas sa Section 5(1) sa RA 9262 nga adunay piyansa nga girekomendar nga mobalor sa P72,000.
Ang suspek anaa na karon sa kustodiya sa Polanco MPS alang sa dokumentasyon ug tukmang disposisyon. (Medalyn U. Borja)
(Source: ZNPPO)