Balhog sa prisohan ang usa ka Top 4 Most Wanted Person (City Level) nga nag atubang sa kasong pagpanulis homan masikop atol sa gikasa nga manhunt operation sa mga personahe sa kapulisan mga alas 3:10 ang takna sa hapon didto sa Brgy. Potungan, Dapitan , Zamboanga del Norte, niadtong Enero 4, 2026.
Ang maong dinakpan nga wanted person naila nga 21 anyos lalaki, ulitawo, mangingisda, ug residente sa Southem Poblacion, Plaridel, Misamis Occidental.
Ang pagkasikop gihimo pinaagi sa mga operatiba sa Dapitan City Police Station pinaagi sa Warrant of Arrest nga gi-isyu ni Florendo Bolante Opay, Presiding Judge sa Regional Trial Court Branch 4, Ninth Judicial Region, nga gipetsahan og Abril 2, 2025, tungod sa Pagpanulis nga adunay pwersa, nga gi-docket isip Criminal Case No. 25-015, nga adunay girekomendar nga piyansa nga Php 100,000.
Ang dinakpan nga suspek gipahibalo sa hinungdan sa iyang pagkadakop ug gipahibalo sa iyang mga katungod sa konstitusyon, ug ana-a na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO