Dipolog: Top 3 Most Wanted Person sa kasong rape, arestado

0
7
(Photo credits to the owner)

Balhog sa prisohan ang usa ka 57 anyos nga Lalaki kinsa nailhang Top 3 Most Wanted Person sa kasong Rape, didto sa Brgy. Masidlakon, dakbayan sa Dapitan, sa may alas 11:00 sa kagabhion, Huwebes, Hunyo 27,2024.

Ang dinakpan naila nga si SERBANDO TUASTOMBAN JUMALON, 57 anyos, lalaki, minyo, walay trabaho, ug residente sa Brgy. Masidlakon, dakbayan sa Dapitan.

Nasikop kini pinaagi sa pag Serbisyo sa Warrant of Arrest alang sa krimen nga “Rape” nga gipahigayon sa Dipolog CPS pinangulohan ni PLTCOL EDWIN D VERZON-COP kauban ang RID9, RA Team Zamboanga del Norte, Dapitan CPS ug 1st ZNPMFC alang sa duha ka ihap sa Rape nga giisyu ni HON. FELIX B RODRIGUEZ JR, Acting Presiding Judge, 9th Judicial Region, Branch 7, Dipolog City, Zamboanga del Norte pinetsahan Nobyembre 17, 2021 nga WALAY piyansa nga girekomendar.

Ang dinakpan gipahibalo sa iyang konstitusyonal nga katungod parihong Miranda ug anti-torture warning ug kasamtangang gitanggong sa Dipolog CPS alang sa saktong disposisyon. (Medalyn U. Borja)

(Source: Dipolog CPS)

Leave a Reply