Balhog karon sa prisohan ang usa ka Top 2 Most Wanted person sa kasong Attempted Homicide homan kini masikop atol sa gihimo nga joint operation sa mga personahe sa Siocon Municipal Police Station (Siocon MPS), isip lead unit, uban sa 2nd Zamboanga del Norte Provincial Mobile Force Company (2nd ZNPMFC), mga alas 11:10 sa buntag niadtong Septiyembre 3, 2026, didto sa Barangay A.L. Micubo, Siocon, Zamboanga del Norte.
Ang operasyon nga miresulta sa pagkadakop sa usa ka 35 anyos nga lalaki, nga nalista isip Top 2 Most Wanted Person Municipal Level pinasikad sa Warrant of Arrest alang sa kasong Attempted Homicide in relation to Violation of Section 5(A) sa Republic Act No. 9262, nga gi-isyu sa Regional Trial Court, 9th Judicial Region, Branch 27, Siocon, Zamboanga del Norte, nga gipetsahan og Nobyembre 19, 2024, nga adunay girekomendar nga piyansa nga P36,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon ubos sa Miranda Doctrine sa pinulongan nga iyang nasabtan ug anaa na kini karon sa kustodiya sa Siocon MPS alang sa hustong disposisyon.(MEDALYN U. BORJA)
Source: ZNPPO