Arestado ang Top 1 Most Wanted Person Municipal Level, nga nag atubang sa kasong pagpatay atol sa gihimo nga intelligence-driven operation sa mga personahe sa kapulisan mga alas 11:40 ang takna sa kabuntagon didto sa Barangay Lawigan, Labason, Zamboanga del Norte.
Ang maong dinakpan nga wanted person naila nga usa ka 20-anyos nga lalaki nga residente sa susamang Barangay kinsa gidakop pinaagi sa mga personahe sa Labason MPS, kauban ang 2nd Zamboanga del Norte Provincial Mobile Force Company ug ang 901st Maneuver Company sa Regional Mobile Force Battalion 9.
Ang suspek nasikop pinasikad sa warrant of arrest alang sa kasong Murder, nga giisyu sa Regional Trial Court, 9th Judicial Region, Branch 28, Liloy, Zamboanga del Norte, pinetsahan og Abril 24, 2025.
Ang dinakpan anaa na karon naka kustodiya sa Labason Municipal Police Station.(MEDALYN U. BORJA)
Source: Police Regional Office 9