Gipahigayon sa Local Disaster Risk Reduction and Management Office o LDRRMO Tampilisan ang lima ka adlaw nga Standard First Aid with Basic Life Support o BLS Training sa Barangay Farmington, Tampilisan, Zamboanga del Norte.
Mitambong sa pagbansay ang mga barangay officials ug staff, Barangay Health Workers, Barangay Nutrition Scholars, Barangay Tanods ug mga community volunteers aron mapalambo ang ilang kahibalo ug praktikal nga kahanas sa first aid, basic life support ug emergency response.
Pinaagi sa mga diskusyon ug praktikal nga pagbansay, nasangkapan ang mga partisipante sa hustong paghatag og unang tabang ug tukmang pagresponde panahon sa emerhensiya, ilabina samtang naghulat sa dugang nga medikal nga tabang.
Gitumong sa maong lima ka adlaw nga training nga mapalig-on ang kapasidad sa mga barangay responders ug volunteers aron makatabang sa pagtukod og mas luwas, andam ug lig-on nga komunidad sa Tampilisan.(JENIFFER JR. DELICA)
Source: LDRRMO Tampilisan