Gipahigayon sa mga personnel sa Salug Municipal Fire Station ang TAGURO Challenge 2026 niadtong Agosto 14 aron mapalambo ang ilang physical fitness ug operational readiness isip mga bombero.
Gipangulohan ni SFO4 Roseller P. Taleon, Acting Municipal Fire Marshal, ang pag-apil sa mga personnel sa maong challenge nga gihimo matag usa. Gisulayan niini ang ilang kusog, disiplina, paglahutay ug determinasyon.
Pinaagi sa TAGURO Challenge, gipalig-on usab ang kahandaan sa mga bombero sa pag-atubang sa mga buluhaton ug hagit nga ilang masinati sa pagserbisyo ug pagpanalipod sa komunidad.
Ang kalihukan nagsilbing kabahin sa padayong pagpangandam sa Salug Municipal Fire Station aron mapadayon ang kahimsog, disiplina ug kahandaan sa mga personnel sa ilang responsibilidad sa komunidad.(JENIFFER JR. DELICA)
Source: Salug Bfp