Miduaw ug nagdala og ayuda ang Team A nga gipangulohan ni Congressman Ian Amatong sa Liloy Integrated Health District Hospital niadtong Abril 16 isip kabahin sa ilang outreach program sa ikatulong distrito.
Gipanghatag sa team ang mga pagkaon, hygiene kits, ug medical equipment sama sa blood pressure apparatus, nebulizer, ug wheelchair alang sa mga pasyente ug health workers.
Mipadayon ang maong inisyatiba sa Labason District Hospital diin parehas nga tabang ang ilang gihatag aron mapalig-on ang serbisyo panglawas sa maong pasilidad.
Sumala sa mga opisyal, ang kalihokan dili lang paghatag og materyal nga tabang kondili pagpamati ug pagdasig sa mga pasyente ug frontliners aron mapalambo ang kalidad sa serbisyo ug pag-atiman sa komunidad.(JENNIFER JR. DELICA)
Source: Zamboanga del Norte Provincial News Network